Umculi kamaskandi uMthandeni SK uqhubekile nokuqopha umlando ngokuba umculi wokuqala ukuwina kabili kulandelana kwi-category yeRecord of the Year kumaSouth African Music Awards (Sama).
Ngonyaka odlule uMthandeni wawina iRecord of the Year ngeParis ayicula noLwah Ndlunkulu. Kwakuqala endimeni ukuthi itholwe umculi kamaskandi.
Izolo eGoli uwine indondo efanayo ngeGucci ayicula noMawhoo. Uphinde wawina neyeMusic Video of the Year ngayo le ngoma.
UKhuzani Mpungose yena uwine indondo yeBest Maskandi Album.
UGoldmax uthole ezintathu zeMale Artist of the Year, Album of the Year neBest Gqom Album.
AmaSama abantu abaningi abaphawule kwi-social media bathe bebengazi ukuthi akhona. AbeseGallagher Convention Centre edlala bukhoma kwiSABC 1 nakwi-social media. Abethulwa uPamela Mtanga noScoop Makhathini.
