Umsakazi woKhozi FM uTshatha Ngobe usememezele ukuthi akasasebenzi nomngani wakhe uXolani Mcineka ekuhleleni umcimbi Impucuzeko Maskandi Festival.
UTshatha ukhiphe isitatimende kuFacebook ethi emuva kweminyaka engu-12 engumhleli walo mcimbi futhi engomunye wabasunguli useyahoxa.
“Nakuba ngingenakuzidalula izizathu zokuhoxa kwami kodwa ngithi angikwazise njengomuntu olandela leli khasi lami kule nkundla yokuxhumana,” ubhale kanje uTshatha.
Bese kunemibuzo ngobudlelwano bakhe noMcineka ngoba kade bagcina ukubonakala ndawonye. Nasemcimbini kaTshatha, iTshatha Music Festival kwaNongoma ngoDecember uMcineka akazange ayiphushe ezinkundleni zokuxhumana futhi akayanga.
