Nhlakanipho Mnqayi
INsingizini Hotspurs yaseSwatini ivikele isicoco sayo sePrince Mangosuthu Legacy Cup ngesikhathi iguqisa ULundi United ngo 5-4 sekukhahlelwa amaphenathi emva kokuthi umdlalo uphele lamaqembu ebambene ngo 1-1, ePrince Mangosuthu Regional Stadium, oLundi.
Leli qembu laseSwatini lizicabele indlela yalo ebheke kowamanqamu liguqisa iMbabane Highlanders AM ngo 4-1 emva kokuthi umdlalo uphele ngo 0-0 emdlalweni owandulela owamanqamu wesibili.
Umdlalo wamanqamu wokuqala ovule inkundla ubuphakathi kwaMaZulu FC no-ULundi United okunqobe uLundi ngo 2-0 ngamagoli ashaywe ngoPhilasande Mbatha noMandisa Khumalo.
Ukunqoba kweNsingizini isicoco sePrince Mangosuthu Legacy Cup kwengeze ezinye zezicoco abanazo njengoba ngesizini edlule yaseSwatini bewole izindondo ezintathu.
