Amaphoyisa aphenya icala lokubulala nokuzama ukubulala ngesigameko esenzeke egaraji kwa-Engen ngasePavillion namuhla ekuseni.
Amaphoyisa athi iBMW emhlophe enabantu abathathu idlule onogada abebezulazula kuM19.
Onogada babe sebeyilandela kanti kuzosuka isidumo, abebehamba ngeBMW bavele badubula bebhekisa ngakubo kwase kujahwana ngezimoto baphelela egaraji.
“Uphenyo lwamaphoyisa lukhomba ukuthi iBMW ibifakwe i-number plate ekokoteliwe. Umshayeli weBMW uzinikele waboshwa. Kutholwe izibhamu ezimbili ngaphakathi kwiBMW,” kusho amaphoyisa.
Omunye umsola utholakale edubuleke washona emotweni. Owesithathu kuthiwa uphume wajomba udonga washayeka phansi washona.
