Amaphoyisa KwaZulu-Natal abophe abasolwa abangu-11 007 ngamacala ahlukene ngoFebruary.
Kutholwe izibhamu ezingu-287, ezingu 13 okuzo okungama rifle nezinhlamvu ezingu-5 825. Izibhamu kuthiwa yizona ezisetshenziswa kakhulu ukubulala, ukuzama ukubulala nokubanjwa kwenkunzi kuhlonyiwe.
Amaphoyisa athi abangu-151 baboshelwe amacaala okubulala, abangu-159 baboshelwe ukuzama ukubulala kwathi abangu-217 baboshelwa ukubaba inkunzi besebenzisa indluzula.
Abangu-217 baboshelwe ukudlwengula, abangu-37 i-sexual assault kwathi abangu-2 547 baboshelwa ukushaya.
Abangu-439 baboshelwe ukugqekeza, ukweba imfuyo nokweba ezimotweni.
Kuboshwe abangu-569 abakuleli ngokungemthetho.
Abangu 1 107 baboshelwe ukudayisa utshwala ngokungemvume, ukuphuza nokudakwa ezindaweni zomphakathi.
Amaphoyisa aphinde athola imfuyo eyebiwe izingoma ezingu-34, izimbuzi ezingu-46, izimvu ezingu-33 namahhashi awu-4.
