Bazoqala ngezikhathi ezingafani okokuqala emlandweni abagijimi emjahweni iComrades Marathon esuka ezosuka eMgungundlovu iphelele eThekwini ngoJune 8.
IComrades Marathon Association (CMA) ithe lesi sinqumo senzelwe ukwenza ngcono umjaho.
Bonke abagijimi bazosukela eCity Hall bayophelela ePeople’s Park ngaphansi kuka-12 hours.
Phambilini bebeqala bonke kanye kanye ngo–05h30 ngodwa behlukaniswa ngamaqoqo (seeding). Abagijimi bokuqala bazosuka ngo-05h45 kuthi abesibili basuke ngo-06h00.
I-CMA ithe lokhu kuzonciphisa ukuminyana kwabagijimi endleleni.
Ithe baningi ongoti okukhulunywe nabo ngaphambi kokuthathwa kwalesi sinqumo esizoqinisekisa ukuphepha.
I-CMA ithe abagijimi abazijwayeze indlela entshaa yokuqala bazihlelele futhi amaqoqo ababeqala kuwo ngokudlule azoshintshwa kumenyezelwe indlela entsha.
