Ukhonjwe indlela umqeqeshi weMarumo Gallants nenhloko yosomaqhinga uMolefi Ntseki ngemuva kokuphikwa imiphumela.
UNtseki ujoyine iGallants ngoNovemba kulandela ukuhlala ekhaya kusuka axoshwa yiKaizer Chiefs ayeyiqeqesha.
Leli qembu liku number 14 kwi-log ngemuva kwemidlalo engu-17. NgoLwesithathu lishawe yiMamelodi Sundowns ngo 3-1 koweBetway Premiership.
Inamaphuzu angu-15 kanti ezansi kwayo kuneMagesi FC ngamaphuzu angu-14 neRoyal AM ngamaphuzu angu-8.
Njengamanje abebengamaphini kaMalesela uSundra Govender noDuncan Lechesa yibo abazobamba kusaqedelwa imigudu yokuqasha umqeqeshi omusha.
Bake babamba ngasekupheleni konyaka odlule uMalesela engekho ethi ulungisa izinka zasekhaya.
Iqembu ligonyulukile ukuthi libambe izingxoxo no-Abdeslam Ouaddou waseMorocco osethelekile eNingizimu Afrika.
U-Ouaddou uke wacija i-AS Vita Club yaseCongo.
