I-Orlando Pirates iqhubekile nokukhombisa ukuthi ifuna isicoco seBetway Premiership ibukisa ngomkhaya bayo iKaizer Chiefs iyidla ngo 0-3 eFNB Stadium namuhla.
IPirates iveze zisuka ukuthi ifuna ukukhonya uTshepang Moremi eshaya igoli ngemizuzu emihlanu umdlalo uqalile.
Kuyiwe ekhefini isihamba phambili ngo 0-2 emuva kokuthi u-Oswin Appollis eshaye lesibili wasala elele phansi uBruce Bvuma obuye emapalini kulandela ukugula kukaBrandon Peterson.
U-Evidence Makgopa ongene esiwombeni sesibili uvalele elokugcina umdlalo waphela ngo 3-0.
IPirates ibuyele esicongweni se-log ngamaphuzu angu-41 emdlalweni engu-18. IMamelodi Sundowns yehlele endaweni yesibili ngamaphuzu angu-38 emdlalweni engu-17.
Abadlali beChiefs uMfundo Vilakazi noMduduzi Shabalala bebengekho emdlalweni wanamuhla ngenxa yokungaziphathi kahle ngokusho komsakazi weSupersport uMark Gleeson.
ISundowns izodlala neSekhukhune United eLoftus Versfeld kusasa ntambama
