Nhlakanipho Mnqayi
Zibakhalele abasolwa ababili abantshontshe imfuyo endaweni yaseHlabeni naseSdangeni eBulwer.
Laba basolwa abalinganiselwa eminyakeni engu-21 no-31 kusolakala ukuthi bantshontshe imfuyo engu-21 zingu-18 December no-22 December nonyaka.
Amaphoyisa athi ancinzwe indlebe mayelana neziklabhu ezintshontshwe endaweni yaseSdangeni.
“Amalunga ethu agasele khona athola iziklabhu ezingu-9, kwaboshwa umsolwa oneminyaka engu-23 waterway icala lokutholakala nezimpahla ezintshontshiwe,” kusho isitatimende.
Kolunye udaba, amaphoyisa aveze ukuthi zingu-18 December ninyaka, amaphoyisa avimbe imoto ebithwele iziklabhu ezingu-10.
“Umshayeli ohlonzwe njengo Qinisela Mnguni (31), uhlulekile ukuveza amaphepha amgunyaza ukuthi athuthe imfuyo. Ube eseboshwa wathweswa icala lokutholakala nempahla okusolakala ukuthi intshontshiwe.”
“Uphenyo luphinde lwaveza ukuthi uQinisela ushintshanise izinkomo ezimbili ukuze athole iziklabhu ezingu-4. Amaphoyisa aphinde athola ukuthi uQinisela akanazo izinkomo, izinkomo lezi ahwebelane ngazo ukuze athole iziklabhu nazo zitholakele futhi kusolakala ukuthi zintshonshiwe,” kuqhuba isitatimende samaphoyisa.
UQinisela Mnguni uvelile enkanto yeMantshi iHlanganani ngoLwesihlanu zingu-19 December nonyaka wagcinwa esitokisini. Umsolwa oneminyaka engu-23, uzovela namhlanje enkantolo.
