UNgqongqoshe wakwaCooperative Governance and Traditional Affairs (COGTA) KwaZulu-Natal, uMfundisi Thulasizwe Buthelezi udlulise amazwi enduduzo emindenini yabayisikhombisa abashone ngenxa yezikhukhula kulesi sifundazwe.
Ezinsukwini ezedlule kuhlasele imvula enamandla edale izikhukhula yashiya kushone abayisithupha eThekwini kulandela ukudilika kwemizi. EShoba, ngaphansi kukaMasipala Abaqulusi namuhla ekuseni kutholakale isidumbu somfundi omuke ezama ukuwela umfula.
Njengoba kulindeleke enye imvula ngale mpelasonto, uButhelezi unxuse abantu ukuthi baqaphele.
UButhelezi udlulise amazwi enduduzo emindenini yalaba:
- Lindokuhle Mthembu (13-year-old male) waseNsimbini,
- Emmanuel Nkwanyana (45-year-old male) waKwaMakhutha
- Alwande Sihlelelwe (12-year-old female) waseDemat
- Intombazane eneminyaka engu-13 yaseFolweni
- Mlungisi Mhlongo (44 year old male) wase-Adams Mission
- Sphindile Mhlongo (41-year old female) wase-Adams Mission
