I-IFP iketule i-ANC inqoba ukhetho

Inkatha Freedom Party iqumbe phansi izimbangi idla umhlanganiso okhethweni lokuchibiyela ku-ward-15 KwaMhlabuyalingana izolo.

I-IFP ibifolosa ngoMnuz Kwenzile Bongumusa Mthembu. Uthole amavoti angu-1 328 (48.24%).

I-ANC, ebiphethe i-ward, ilandele ngemuva ngo-834, MK Party ngo-532, NFP ngo-31, AEF ngo-22 ne-ABMM ngo-6.

Okhethweni likazwelonke ngoMay i-MK yayithole amavoti angu-54% kule-ward.

Ukunqoba kwe-IFP manje kusho ukuthi yiyo esinamakhansela amaningi emkhandlwini. Isinamakhansela angu-17, ANC angu-16, EFF amabili, Abahlali BaseMkhanyakude Movement elilodwa, NFP elilodwa, DA elilodwa, ne-ACDP elilodwa. Esewonke angu-39