Ompetha beligi iMamelodi Sundowns bayeke ithuba lokunweba igebe esicongweni seBetway Premiership bedliwa yiTS Galaxy ngo 1-0 eMbombela Stadium.
ISundowns eqhwakele kwilogi iyeke ukunweba igebe ngamaphuzu angu-12 kwi-Orlando Pirates esendaweni yesibili. NgoMgqibelo izishayele iPirates yaba namaphuzu angu-42 emidlalweni engu-16 ngemuva kowanamuhla. IPirates ilandela ngamaphuzu angu-33 emidlalweni engu-14.
Igoli leGalaxy livalelwe enethini wuKamogelo Sebelebele ngomzuzu wokuqala liputsha kunozinti uRonwen Williams.
ISundowns iliphathe kwaba sekugcineni ibhola izama ukubuya emdlalweni kodwa kwanhlanga zimuka nomoya.
Bekungokokuqala umqeqeshi wayo uMiguel Cardoso edliwa selokhu efikile kuleli ngemuva kwemidlalo engu-8.
Bekungokokwesibili iSundowns ishawa kule sizini njengoba phambilini yadliwa yiPolokwane City ngo 1-0.
