IMamelodi Sundowns ititinye i-Orlando Pirates ngo 4-1 eLoftus Verfeld Stadium ePitoli namhlanje ntambama.
Ukunqoba kweSundowns kwenze yavula igebe ngamaphuzu angu-9 esicongweni seBetway Premiership.
Manje inamaphuzu angu-42 emidlalweni engu-15. IPirates ilandela ngemuva ngo-33 emidlalweni engu-14.
Amagoli eSundowns avalelwe enethini uGrand Kekana. Isikwibhisi somdlali uLucas Rebeiro usuke nalo ngasohlangothini lwakhe lwenkundla washiya abadlali basemuva kwePirates walivalela enethini ngesiwombe sokuqala.
Kubuywa kwesesibili iPirates ilapho eqale khona iza neminyakazo emihle yavuna izithelo ngokuthi uDeon Hotto alishaye enethini.
Ithe isizama ukubuya uRibeiro wabeka elihle enethini ngaphambi kokuthi uTebogo Mokoena ashaye inguzunga eshiye unozinti uSipho Chaine elele phansi.
Unozinti weSundowns uRonwen Williams ugcine engenzanga lutho.
Eminye imiphumela:
Magesi FC 2-0 Cape Town City
