Iphoyisa elingu-Warrant Officer laseKapa liqolwe ngabantu abebethi balidayisela iToyota Quantum imali baliphuca nezinto zalo nomkalo ngaphambi kokubalaxaza eThekwini.
Amaphoyisa kaMasipala weTheku esebenzisana naweSAPS abophe abasolwa ababili abasebenzaz neqembu eliqola abantu ngokubadayisela izimoto ezingekho eThekwini.
NgoLwesithathu iphoyisa lishayeliswe iQuantum kwayiwa nalo emahhovisi okubhalisa izimoto.
Libe selikhokha uR10 000 ongukheshi kwathiwa uR120 000 aliwufake kwi-account yomgunyathi yaseCapitec.
Isitatimende samaphoyisa kamasipala sithi umgilwa ube esekhonjwa ezindaweni ezihlukene kudlalwa ngaye ngaphambi kokuthi kuthathwe izinto zakhe nomkakhe bayalaxazwa.
NgoLwesihlanu amaphoyisa aphume umkhankaso abopha abasolwa sebezama ukugila omunye besebenzisa izinkundla zokuxhumana.
Basolwa emacaleni ayinqwaba okuqola abantu futhi abagilwa bakwazile ukubakhomba.
