Amaphoyisa omgwaqo ePark Rynie abophe onogada ababili bephini lemeya kaMasipala iRay Nkonyeni abebehamba bodwa ngeBMW X5 bekhanyise ama-blue lights.
Iphini lemeya belisemhlanganweni ngesikhathi laba beboshelwa ukushayela budedeku, ukusebenzisa ama-blue lights ngokungekho emthethweni, ukuzenza amaphoyisa nokuphatha isibhamu ngaphandle kwelayisensi.
Ama-blue lights akhishiwe kwi-X5 nayo ethathwe amaphoyisa.
UMphathiswa wezokuThutha nokuhlaliswa kwabantu eKZN uSiboniso Duma uthe uyakwamukela okushiwo yimenenja kamasipala ethe bazothathelwa izinyathelo.
Abanye ababoshiwe udokotela obendiza ngo-181km/h ngeFord Ranger Raptor.
Kuboshwe nommeli obegijima ngo-175km/h ngeVW Golf GTI nemenja yakwaCheckers ebihamba ngo-170km/h ngeCorolla Cross engase iyizwe ngendaba imititilizo yeBlack Friday.
