INkantolo eNkulu yaseThekwini igwebe kanzima inkabi etholwe namacala okubulala owayeyimenenja kaMasipala waseRichmond uSibisiso Sitholel ngo-2017.
USabelo Phewa ubephenywa ithimba lamaphoyisa elingundabuzekwayo kwikhomishana kaMadlanga eqhubeka ePitoli iPolitical Killings Task Team uNgqongqoshe osekhefini uSenzo Mchunu ayezama ukulivala.
Ngesikhathi eboshwa ngo-2018 watholwa nesibhamu esabulala no-Amos Ngcobo eHillcrest ngo-2017 owathengelwa umkakhe le nkabi. UmkaNgcobo waphenduka ufakazi wombuso wagwetshwa iminyaka emihlanu.
UPhewa uthole udilikajele ngecala lokubulala uSithole, udilikajele ngokubulala uNgcobo, iminyaka emihlanu ngokuzama ukubulala amaphoyisa ezombopha, iminyaka engu-15 ngokutholakala nesibhamu esingekho emthethweni neminyaka emihlanu ngokuba nezinhlamvu ezingekho emthethweni.
Umkhuzi wamaphoyisa uGeneral Fannie Masemola uncome iPolitical Killings Task Team ngomsebenzi omuhle kuleli cala.
Uthe sezingaphezulu kuka-30 izigwebo zodilikajele emaceleni abephenywa ileli thimba.
