NHLAKANIPHO MNQAYI
Benefunelwa amacala okubulala, ukugqekezwa kwemizi, ukuqola kanye nokutholwa nezibhamu ezingekho emthethweni okuyizigameko abazenza elokishini eMpumalanga, eMariannhil, KwaNdengezi naseMsunduzi abasolwa abahlanu abadutshulwe amaphoyisa namhlanje emijondolo yasePump House, eChatsworth namhlanje ekuseni.
Amaphoyisa athi ayalelwe umkhondo obaholele endaweni yaseChartsworth kwathi ngesikhathi amaphoyisa efika, abasolwa bababingelela ngezulu lezandla amaphoyisa abuyisela, abasolwa abahlanu basala enkundleni.
Kuphinde kwatholakala izibhamu ezintathu, esisodwa sazo esokuzenzela sitholakale kubo abasolwa. Kuthiwa abasolwa babalelwa eminyakeni engu-17.
