Nhlakanipho Mnqayi
Kugcine kumenele omunye wezisulu ezibandakanyeke engozini yemoto enyantisa igazi eyenzeke emgwaqeni omkhulu uN2 eMpangeni.
Imibiko ithi leli lunga lebandla lishonele esibhedlela saseNgwelezane ngenxa yokulimala kanzima.
Lengozi eyenzeke ngesonto yayibandakanya iloli neHyundai H1 eyayilayishe amalungu angu-24 eZion Christian Church ayelibangise eDukuduku, eMtubatuba.
Kulezi zisulu ezidlule emhlabeni kubalwa oNksz Sarafina Magwaza (57), Celiwe Zikhali (55), Dudu Mthembu (52), Winnie Mkhwanazi (52), Cabangile Mavundla (52), Qhamukile Khumalo (40), Sihle Ndamase (24) noMnuz Mphikiseni Sithole (57) kanye noMnuz Bongani Ndlovu (46).
UMphathiswa wezokuThutha nokuHlaliswa kwaBantu KwaZulu-Natal, uMnuz Sboniso Duma uncome izinduna namakhansela endawo ngokusebenzisana ukweseka imindeni.
Uphinde wancona noSotshwebhu wesifunda sakuMasipala waseMkhanyakude, uMnuz Siya Khumalo, uMnuz Ntokozo Mlungwana waku wadi-3 noMnuz Zulu waku wadi-2.
