I-Orlando Pirates ishwebe ekugcineni ukuthi iNingizimu Afrika iqophe umlando ngokuba namaqembu amabili kuma-final eCaf Champions League ishawa yiPyramids yase-Egypt namhlanje ebusuku.
IPirates izihole phambili kabili kulo mdlalo nobekuzoyenza ihlangane neSundowns ngoMay 24 kodwa iPyramids yabuya yaze yawina ngo-3-2.
Amagoli ePirates ashawe uRele Mofokeng ngesiwombe sokuqala nengcwenga kaMohau Nkota ngesiwombe sesibili.
Kuthe umdlalo kubukeka ngathi uzophela ngo 2-2 uFiston Mayele washaya elesibili emdlalweni iPyramids yalivalela ngomzuzu ka-86.
IPirates isizodlalela iNedbank Cup neKaizer Chiefs eMoses Mabhida Stadium ngoMay 10 neligi njengoba ijaha iSundowns esesicongweni.
