Kulimale umqeqeshi we-Orlando Pirates u-Abdeslam Ouaddou nabasebenzi abahlanu beqembu engozini yemoto eyenzeke emgwaqeni uR21 eGoli ngeSonto ebusuku.
Iqembu belibuya eGqeberha emdlalweni weligi lishaya iChippa United ngo 3-0.
U-Ouaddou nabasebenzi kuthiwa behle ebhasini leqembu bebona ingozi. Bathe besasiza iNissan NP200 yashayisa izimoto ebezimile nabo base beyalimala.
Umqeqeshi nozakwabo baphuthunyiswe esibhedlela lapho besaqhubeka nokulashwa.
IPirates uthe izobikela abalandeli ngendlela abaqhuba ngayo.
