Umshushisi wesifazane ungomunye wabangu-54 ababoshelwe amacala okushayela bephuzile KwaZulu-Natal izolo ebusuku.
Lo mshushisi oneminyaka engu-44 uboshelwe emgwaqeni uMarine Drive eMargate ngabo-11 ebusuku. Ubeqise ngokuphindwe kane esikaleni sotshwala obuvumeleke egazini.
Umphathiswa woMnyango wezokuThutha nokuhlaliswa kwabantu eKZN, uSiboniso Duma uthe abangu-21 baboshwe eThekwini. EMgungundlovu kuboshwe abangu-18, eMnambithi kwaboshwa 14 kwathi eMpangeni kwaboshwa oyedwa.
“Kulamasonto amabili adluile ithimba leRTI libophe abashayeli abangaphezulu kuka-130 ngokushayela bephuzile,” kusho uDuma.
