Nhlakanipho Mnqayi
UNdunankulu waKwaZulu-Natal, uMnuz Thamsanqa Ntuli ehambisana noMphathiswa wezeMfundo KwaZulu-Natal, uMnuz Sipho Hlomuka bavule ngokusemthethweni isikole samabanga aphezulu iSikhalisezwe High School, eNewcastle namhlanje.
Lesi sikole esingaphansi kwesifunda i-Amajuba sizomumatha abafundi abangu-1 500 ukunciphisa ukugcwala ezikoleni nokuqinisekisa ukuthi abafundi bathola imfundo ephephile, esezingeni futhi esendaweni enhle.
Siphinde sachazwa njengesizoletha inqubekela phambili esifundazweni nasekuqhubekeni ekuzinikeleni kwezemfundo eyikhwalithi nokuthuthukisa ingqalasizinda.
Ekhuluma nabezindaba undunankulu uthe lokhu kuyahambisana nengqubomgomo ye-7th Administration.
“Lokhu kutshalwa kwezimali kuhambisana nezinto ezibalulekile ekuthuthukiseni ukuthuthukiswa kwabantu ngemfundo. Ngincoma nomphakathi ngokusebenzisana ekwesekeni umbono wesikole nokugqugquzela abafundi ukuthi basebenzise amathuba amasha,” kusho uNtuli.
