Nhlakanipho Mnqayi
Bazofihlwa ngeSonto abangu-10 abashone engozini ephakathi kweloli nebhasi emgwaqweni uR34 eVryheid ngoLwesibili.
Inkonzo yomgwabo izoba senkundleni yezemidlalo iCecil Emmett Sports Grounds khona eVryheid ngo-9 ekuseni.
Abafi kwakungabalandeli beqembu lezepoliki i-Economic Freedom Fighters ababephuma kwi-rally yaleli qembu eyayiseKing Zwelithini Stadium ngesikhathi kubungazwa usuku lwabantu abasha uJune-16, ngoMsombuluko.
Kwabaphangalala kubalwa abahlanu besifazane nabahlanu besilisa okungoNksz Gcwalisile Sibisi (44), Nhlalonhle Khumalo (28), Sbongakonke Mbatha (17), Florence Ndlovu-Hadebe (19) noLungani Mbatha (26). Kwabesilisa kube ngoMnuz Sboniso Manqele (23), Thokozani Mashazi (29), Phumlani Zulu (46), Thethelele Dube (26) noSiyanda Thwala (23).
Umphathiswa wezokuThutha nokuHlaliswa kwaBantu KwaZulu-Natal, uMnuz Sboniso Duma, uthe bazodedela ithimba lakwaRoad Traffic Management Corporation namaphoyisa ukuqedela uphenyo lwabo.
