Nhlakanipho Mnqayi
IPyramids yase-Egypt ibe ngompetha be-CAF Champions League bokuqala ngqa ngesikhathi iguqisa iMamelodi Sundowns ngo 2-1 emdlalweni wamanqamu obubanjelwe e-30 June Stadium eCairo.
Lamaqembu abetholana okwesibili emva kokuthi umzuliswano wokuqala waphela zibambene ngo 1-1 ePiloti ngesonto eledlule. Emlenzeni wesibili iPyramids inqobe ngo 2-1, kwaba ngu 3-2 amagoli esehlanganisiwe. Igoli lokuqala lePyramids lishaywe ngu-Fiston Mayele, elesibili lashaywa ngu-Ahmed Samy Saad Abou El Einain, kwathi elokubika leSundowns lashaywa ngu-Iqraam Rayners.
IPyramids ibe yiqembu lesi-13 elehlukile eliseke laqukula indebe yeCAF Champions League, lahamba nesamba sika-$4 million wamadola okungu-R72 million wamarandi, ngokulala isibili iSundowns yathola u-$2 million wamadola okungu-R36 millon wamaqandi.
ISundowns isibhekise amabombo ayo emqhudelwaneni we- FIFA Club World Cup ozoqala ngo-15 June kuya ku 13-July nonyaka ozobe ubanjelwe e-United States of America.
Khonamanjalo: kuqubuke imibuzo kubalandeli beSundows nakubathandi bebhola njengoba inkakha yeSundowns ephinde ibe ngu-kapteni, uThemba “Mshishi” Zwane engafakwanga emdlalweni wanamhlanje.
