ILamontville Golden Arrows yandise izinkinga zomqeqeshi weKaizer Chiefs uNasreddine Nabi idla ezakhe ngo 2-1 emdlalweni weBetway Premiership eMoses Mabhida Stadium namhlanje ntambama.
Emuva komdlalo ubonakale ehleli ebhentshini ephatheke kabi komphumela njengoba i-Arrows ibisiyiphinda okwesibili kule sizini ngoba yayishaya ngo 0-1 ngoJanuary.
IChiefs iyona ethole ithuba lokuzihola phambili unompempe uLuxolo Badi eyipha iphenathi ebikhulumisa uGlody Lilepo ewa ebhokisini.
Nokho ukapteni weChiefs uYusuf Maart uze wayikhahlela sakutsaka yashaya ipali.
Lokho kwenze i-Arrows yavuka yazithatha uNduduzo Sibiya walikora kuqala. Akuphelanga sikhathi esingakanani uMaart wageza igama lakhe emuva kokuthola enhle iphasi kuGaston Sirino.
Sesiyophela isiwombe sesibili uKnox Mutizwa uvalele i-Arrows ewine ngalo.
Ngalo mphumela iChiefs izohlala ku number 8 kwi log ngamaphuzu angu-29 emidlalweni engu-23.
I-Arrows nayo izihlala lapho ekhona ku number 10 ngamaphuzu angu-27 emidlalweni engu-20.
Kweminye imidlalo, iChippa United ishaye AmaZulu FC ekhaya ngo 2-1
