I-Orlando Pirates izisondeze eduze nephupho lokunqoba izicoco zeNedbank Cup kathathu kullandelana ishaya iBaroka FC ngo 3-1 esigodini sikaMaminzela i-Orlando Stadium namhlanje ntambama.
IPirates ize kulo mdlalo we-last 16 ivele iyizimfivilithi zokuthi izonqoba.
Nebala kuyiwe ekhefini izihola phambili ngo 2-0 wamagoli ashawe wuTshegofatso Mabasa ogcine evalela enethini amathathu.
Wonke amagoli abethungwa kahle ngabadlali bePirates abebeshaya ama-pass amahle ngaphambi kokunikeza uMabasa oqekelele bamagoli.
Komunye umdlalo, iMarumo Gallants iziphindiselele kuMaZulu FC iwashaya ngo 1-0 eBloemfontein. AmaZulu adle iGallants ngo 2-0 koweligi ngoFebruary 7.
IPirates neGallants bajoyine amaqembu asekwi-last 8 okuyiDurban City, Stellenbosch FC, neSupersport United.
