Osolwa ngokubulala abangani walahla izidumbu zabo eKenville eThekwini usemelwe uqweqwe lommeli njengoba sekusondele ukuqulwa lwecala lakhe.
ULungani Mthethwa osolwa ngokubulala abangani oNksz Anele Mbokazi noZizipho Gabisa ngesikhathi evele enkantolo namuhla obemumele u-Adv Clinton Short, uthe sebejube u-Adv Bheki Manyathi ukuthi kube nguye omela uMthethwa.
UMthethwa ungaphakathi emuva kokunqatshelwa ibheyili. Owaboshwa naye uMnuz Sandile Chili usephenduke ufakazi wombuso.
Icala lihlehlele u-27 February 2025 emuva kokuthi a-Adv Manyathi eveze ukuthi akakaqedi ukufunda imininingwane yecala.
Njengenjwayelo imindeni yabafi ibikhona enkantolo ukuzozizwela kanti noMthethwa ubeswenkile ngehembe elicwebezelayo elinombala o-royal blue nosilver, ibhulukwe eli-navy, nebhande ebelibonakalo sengathi lisha, nezicathulo ebezino-silver. Ubephethe ifayela eluhlaza ngesandla.
