Bagcwele izinkalo ababili abaphunyuke betholana phezulu ngenganono namaphoyisa, kwashona abathathu eBhambayi eNanda ngoMgqibelo ntambama.
Ngokwesitatimende samaphoyisa, laba bebefunelwa amacala okubulala khona eNanda naseMlazi – kanti kukholakala ukuthi bayathinteka ekubulaweni kwabane okubalwa namaphoyisa amabili abadutshulwe ethaveni eSundumbili eMandeni ngoMsombuluko.
Amaphoyisa athi avimbezele abasolwa endlini thizeni, kwathi umabewabona bavulela ngenhlamvu nawo aphendula ngendlela efanayo, kwashona abathathu. Ababili kuthiwa babalekile, kutholwe izibhamu ezintathu.
