UMnyango wakwaCogta eKZN ufuna kuthathwe izinyathelo ngokushesha ngokwebiwa kwemali engu-R37 million kwi-account yoMasipala waKwaDukuza.
UMEC wakwa-Cogta uMfu Thulasizwe Buthelezi usezwakalise ukukhathazeka, wathi usebhalele iMeya yoMasipala uMnuz Muzi Ngidi ukucela umbiko ngalolu daba.
Lo mbiko uthe uwufuna engakapheli amahora angu-48. Umnyango uthi umbiko yiwo ozocacisa ngezinyathelo ezizothathwa uMEC.
UButhelezi uqinisekise izakhamuzi zaKwaDukuza ukuthi lolu dabaumnyango ulusingethe ngobunono nangokubaluleka okufanele.
Ngokombiko we- The News Box, le mali yebiwe ngoLwesihlanu, izikhawu ezimbili.
