Kuboshwe abangu-13 576 ngamacala ehlukene eKZN ngoJanuary 2025, kwashaqwa izibhamu ezingu-346 nezinhlamvu ezingu-3 192 zezibhamu ezehlukene.
Ngokwesitatimende samaphoyisa, bangu-4 425 abababoshelwe amacala enzeka ngokuthi abantu bathintane, bangu-224 ababoshelwe ukubulala, bangu-241 ababoshelwe ukuzama ukubulala kuthi abangu- 14 baboshelwa ukubamba inkunzi. Ababoshelwe ukudlwengula bangu-268, kanti abanye abangu-41 baboshelwe amanye amacala okuhlukunyezwa ngokocansi. Zibakhalele abangu-479 ngamacala athinta izindlu – abangu 294 baboshelwe ukugqekeza.
Bangu-31 ababoshelwe ukweba imfuyo. Babe ngu-1 854 ababoshelwe izidakamizwa.
Amaphoyisa akhala ngotshwala athi busadlala indima enkulu emacaleni okushaya njengoba bengu-2138 ababoshelwe ukushaya ngenhloso yokulimaza. Bangu-775 ababoshelwe ukudayisa utshwala ngokungemthetho nabangu-297 ngokuphuza esidlangalaleni.
Kunxuswa abantu ukuba bangathengi izimpahla emabhizinisi angabhalisiwe emuva kokuboshwa kwabangu-22 bedayisa izimpahla okusolwa ukuthi zebiwe.
