Kushone oyedwa kwalimala abangu-7 ngesikhathi abebebamba inkunzi imoto yemali kuN2 eThekwini sebebaleka namuhla ngoLwesibili ekuseni. .
Amaphoyisa ase-KZN athi aphansi phezulu afuna abasolwa. Okhulumela amaphoyisa eKZN uColonel Robert Netshuinda, esitatimendeni uveze ukuthi abasolwa babambe onogada bemoto ababili babashaya. Kuthiwa babe sebebamba inkunzi bebaphuca izibhamu zabo base bentshontsha imali esingaziwa isamba sayo. Ngesikhathi bebamba inkunzi kuthiwa badubulile kwalimala ababili abebebuka balimala.
Amaphoyisa aveze ukuthi ngesikhathi abasolwa sebebaleka behamba ngaseBayview, kuSilverglen Drivw badubule balimaza unogada wenkampani ezimele obebajaha.
Kuthiwa badubule babhekisa itekisini okuthiwa bebezama ukuyiduna. Kudubuleke owesifazane washona, omunye wesifazane obezihambela emgwaqweni udubuleke walimala. Uphenyo lwamaphoyisa luyaqhubeka.
